رحلتي إلى تركيا بالصور
رحلتي إلى تركيا بالصور
السلام عليكم ورحمة الله
بسم الله والصلاة والسلام على رسول الله,,,الحمد لله رب العالمين على نعمه علينا,,,
واخيرااااا
تمت رحلتي الى تركيا بشهر ابريل 2014 , كل شيء لن يتم الا بارادة الله , 4 مرات نقرر ونحجز لتركيا
وفي كل مرة تلتغي الرحلة لسبب ما,,الا ان شاء الله وحجزنا رحلتنا من مكتب من عمان الاردن ,,
كانت 8 ايام,,من تاريخ 18 ابريل الى 25 ,,,المسافرون 4 انا وزوجي واخو زوجي وزوجتة..
اخترنا فندق اكيلدز فندق متواضع الا انة اعجبني جدا ونظيف والموظفين رائعين وخدومين,,
الحجز كلفنا 420 دينار اردني للشخص تشمل الضرائب و (السفر بالطائرة ذهاب واياب والاقامة بالفندق والتوصيل من والى المطار ورحلة بمضيق البسفور)السفر من مطار الملكة علياء الى مطار صبيحة,,,
لغاية قبل السفر بيوم ونحنا لا نعلم موعد الطائرة وهنا المصيبة,,اتصلنا عالمكتب صباح الخميس
حكولنا تعالو المكتب للمسى بيبان موعد الرحلة ! قلنا اوك بكل الاحوال السفر قبل بيوم لعمان افضل,,
تحسبا لعرقلة الطرق والحواجز,,,
وصلنا عمان يوم الخميس الساعه 5 مساء ورحنا المكتب,,انصدمت من موعد الرحلة كان يوم الجمعه الساعه 7 ونص مساء
يعني ضايل 24 ساعه بعمان …
قلنا مو مشكلة بنقضيها باي شكل,,طلعنا دورنا اوتيل ,,
رحنا اوتيل بسيط ونظيف اسمة الجاردنز
ارتحنا بالفندق
من ثم اتصلت بالاخت الغالية لمون ,,وفرحت كثيييييير بالاتصال والساعه 8 ونص المسا
كانت عندي بالفندق,,
اخذتنا بسيارتها وطلعنا مكة مول وعزمتنا على قهوة وسهرنا معها
الصراحة مش لاقية كلمات توفي هالانسانة حقها ,,رااائعه وخلوقة وخفيفة دم ,,اسال الله يشفيها ويعافيها يااااااااااارب,,,,
من ثم غادرت لانة كانت بانتظار ابنها رح يوصل من الامارات,,,
ودعناها على امل اللقاء وان شاء الله لقاءنا القادم بالاقصى يا ام معن
ثم تسوقنا بكل ما نريد لان يوم الرجعه ما رح يكون وقت نرجع على عمان حيكون من المطار للجسر على طول,,,
كان لازم العاب بنتي ندى والوصايا الي وصتني اياها هههه
تعشينا وجبة سريعه شاورما..ورجعنا الساعه 2 بالليل للفندق …
تاني يوم صحينا الساعه 10 فطور الفندق ما عجبنا لذلك ما اكلنا طلعنا تمشينا واكلنا شوية معجنات
ورحنا صلينا الظهربمسجد مجاور عملنا تشيك اوت وتركنا اغراضنا بالفندق ونزلنا سوق وسط البلد,, عمان صورة مطابقة لنابلس بالمباني والشوارع
والاسواق والتكاسي هههههه بالفعل ما كنت شاعرة اني بمكان غريب
طلعنا المطار الساعه 4 العصر ,,,الفندق طلب لنا تكسي..
وصلنا المطار ,,تفتيش سريع ودخلنا ولسة قدامنا وقت تجولنا بالمطار,,,
وانا متشوقة لتركيا جدا جدا
تسوقنا
طيارتنا
اقلعت الطائرة الساعة 8 مساء
طرنا عن عمان ورح ندخل اجواء فلسطين..ويالله ونحنا فوق فلسطين ,,,يارب تحرر من قريب
اضواءها واضواء الساحل والقدس شعلة مضيئة من السما شعرت بالم الصراحة
الخارطة واضحة حتى عكا شمالا
وصلنا اسطنبول الساعه 10 وربع ليلا
الاجراءات كانت سريعه وحملة الجواز الاردني بدووون فيزا ..
لقينا بنت بانتظار الجروب كلة ومعها اسمائنا اخذتنا على الباص وانطلقنا الى اسطنبول
وكل مجموعه تنزل بالفندق يلي اختاروة,,,
وصلنا فندقنا الساعه 12 تماما ,,نمنا على طول
الفندق
اختيارنا للفندق كان للنوم فقط..يعني كنا نقضي معظم النهار برة ,,
فندق اكيلدز ب منطقة اكسراي ,,قريب من محطة الترام ومقابلة مباشرة مترو يني كابي ,,
بالاضافة ان المنطقة حيوية وفيها مطاعم ومحلات تجارية كثير وممكن نمشي للبحر مو بعيد برضو ميناء
يني كابي مقابلة على البحر يعني ما يحتاج تكسي مشي ربع ساعه
الفندق قديم ومجدد بسيط الا انة نظيف والعاملين فية كثير ودودين وبيحبوا يخدموك,,
الصراحة ارتحت فية كثير وما شفت اي شي عكر مزاجي,,
الفطور بسيط جدا ومتكرر يومياا الا انة فرش ونظيف..
هذا عنوانة على بوكينج
https://www.booking.com
اللوبي
من الشباك
احلى صباح
افطرنا فطورنا واستعدينا الساعه 10 اجت البنت يلي استقبلتنا بالمطار واعطتنا ورقة فيها كثير رحل وجولات
باسطنبول ,,وكنا وقتها على موعد ورحلة البسفور المجانية بالاضافة الى زيارة معرض الجلود الطبيعية وزيارة
مول فورم اسطنبول,,,كل اليوم مجاني
طلعنا بالباص,ورحنا المينا وطلعنا بجولة بسفورية رائعه,,,
الا ان اجواء اسطنبول بشهر ابريل لساتها برد وفي بعض الايام ضايقني البرد ..
اول ما ركبنا العبارة كان الجو روعه شوي اختلف الجو وصار غيوم وهواء بارد نزلنا على الطابق الاول
من امام المينا
اسطنبول ملياااانة ورود
كانت رحلة ممتعه,,انبسطتنا كثير ,,
احب انبة انة شركات السياحة هناك استغلالية بشكل مو طبيعي,,
اجت علينا مندوبة احدى الشركات واعطتنا ورقة فيها جولات سياحية , وكل شوي تيجي تسالنا شو اخترتوا؟؟ ونحنا نحكيلها لسة ما قررنا على امل تتركنا ! ما في فايدة اخر شي جادلتها باسعار الرحل
يعني مثلا
رحلة جزر الاميرات 50 دولار عالشخص وهاي ارخص عرض بالموجود!!!
قلتلها كثير غالي انا ممكن اروحها ب 10 ليرات
حاولت تلف وتدور بالحكي وانة في غدا وو اخر شي اعتذرت منها وراحت ووجها 100 لون بس شكلها سبتني والله اعلم
بقلم .. ندى سفاري